Xabarıńız bar, usı jıldıń 16-20-oktyabr kúnleri aralıǵında respublikamız boylap islep shıǵarılıp atırǵan ilimiy-innovaciyalıq ónimlerdi keń jámiyetshilikke tanıstırıw hám óndirislik kárxanaları menen jaqın birge islesiwdi jolǵa qoyıw maqsetinde «InnoWeek.Uz-2023» innovaciyalıq ideyalar hápteligi joqarı shólkemleskenlik penen ótkerilmekte.

«Kreativ bilimlendiriw hám innovaciyalar – Jańa Ózbekstan rawajlanıwınıń tiykarı» súreni tiykarında ótkerilip atırǵan háptelik sheńberinde Ájiniyaz atındaǵı Nókis mámleketlik pedagogikalıq institutında kreativ bilimlendiriw hám zamanagóy bilimlendiriw metodikalarına baǵıshlanǵan kórgizbe shólkemlestirildi.

Kórgizbede respublikamızdaǵı barlıq joqarı oqıw orınları hám orta arnawlı bilimlendiriw mákemeleriniń professor-oqıtıwshıları, ilimpazları tárepinen tayarlanǵan oqıw qollanbalar, sabaqlıqlar hám monografiyalar, sonday-aq, innovaciyalıq joybarları keń jámiyetshilikke tanıstırıldı.

NMPI baspasóz xızmeti.