Xabarıńız bar, Ózbekstan Respublikası Prezidentiniń «2022-2026-jıllarda Ózbekstan Respublikasınıń innovaciyalıq rawajlanıw strategiyasın tastıyıqlaw haqqında»ǵı, «2022-2026-jıllarǵa mólsherlengen Jańa Ózbekstannıń rawajlanıw strategiyası haqqında»ǵı pármanları tiykarında avtorlardıń baspadan shıǵarıw belsendiligin arttırıw hám xalıqaralıq maǵlıwmatlar bazalarında maqalalardıń sanın arttırıw boyınsha tapsırmalar berilgen edi.

Usı tiykarda Ájiniyaz atındaǵı Nókis mámleketlik pedagogikalıq institutında «Springer Nature» kompaniyasınan Irina Aleksandrova tárepinen «Springer Nature» jurnallarında maqalalardı biypul baspadan shıǵarıw» atamasında seminar shólkemlestirildi.

Seminarǵa respublikamızdaǵı joqarı oqıw orınları, ilimiy-izertlew oraylarınıń professor-oqıtıwshıları, doktorantlar, erkin izleniwshiler, sonday-aq, magistrantlar qatnastı.

Seminarda «Springer Nature» kompaniyası wákili qatnasıwshılarǵa prezentaciyalar arqalı keń túrde maǵlıwmat berdi.

NMPI baspasóz xızmeti.