Aldın xabar bergenimizdey, usı jıldıń 25-27-oktyabr kúnleri aralıǵında paytaxtımız Nókis qalasında joqarı oqıw orınları studentleri arasında matematika páninen Muhammed ál-Xorezmiy atındaǵı II Xalıqaralıq olimpiadası ótkerilmekte.

Xalıqaralıq pán olimpiadasında Ájiniyaz atındaǵı Nókis mámleketlik pedagogikalıq institutı Fizika-matematika fakulteti matematika hám informatika tálim baǵdarınıń 2-kurs studentleri – Kamron Ibadullaev, Ismetulla Nawrızbaev, Bahram Allakuatov, Maman Genjaliev te qatnaspaqta.

26-27-oktyabr kúnleri Berdaq atındaǵı Qaraqalpaq mámleketlik universiteti sport sarayında xalıqaralıq pán olimpiadasınıń birinshi hám ekinshi turı ótkeriledi.

Xalıqaralıq pán olimpiadasına studentler instituttıń matematikanı oqıtıw metodikası kafedrasınıń úlken oqıtıwshısı Azamat Xojaniyazov basshılıǵında joqarı dárejede tayarlıqlar alıp bardı.

NMPI jámááti xalıqaralıq pán olimpiadasında qatnasıp atırǵan student-jaslarımızǵa áwmet yar bolıwın tileydi!

NMPI baspasóz xızmeti.