Búgin, 3-noyabr kúni Ájiniyaz atındaǵı Nókis mámleketlik pedagogikalıq institutında «Edo.ijro.uz» mákemeler aralıq elektron hújjet almasıw modulinde islew boyınsha instituttıń juwapker xızmetkerlerine túsinikler beriw maqsetinde seminar bolıp ótti.

Ilajda «UNICON-SOFT» juwapkershiligi sheklengen jámiyetiniń Qaraqalpaqstan Respublikası aymaqlıq bóliminiń jetekshi qánigesi Yunus Qalmuratov tárepinen Ózbekstan Respublikası Prezidentiniń «Hákimshilik reformalar sheńberinde sanlı texnologiyalar tarawında mámleketlik basqarıwdı sapalı shólkemlestiriw ilajları haqqında»ǵı pármanı, sonday-aq, tiyisli qararı menen «Ijro.gov.uz» birden-bir milliy sisteması hám onıń tiykarında «Edo.ijro.uz» mákemeler aralıq elektron hújjet almasıw moduli islep shıǵılǵanlıǵı atap ótildi.

Seminarda usı modulde hújjetlerdi almasıw, atqarıw tártibiniń tiykarǵı ózgeshelikleri hám imkaniyatları haqqında keń túrde maǵlıwmatlar berildi.

Ilajda instituttıń juwaplı xızmetkerleri ózlerin qızıqtırǵan sorawlarǵa tolıq juwap aldı.

NMPI baspasóz xızmeti.