Qaraqalpaqstan Respublikası prokuraturası, Qaraqalpaqstan Respublikası Jaslar siyasatı hám sport ministrligi, Joqarı bilimlendiriw, ilim hám innovaciyalar ministrligi Qaraqalpaqstan Respublikası aymaqlıq basqarması tárepinen shólkemlestirilip atırǵan «Prokuror kubogi» sport jarıslarınıń Ájiniyaz atındaǵı Nókis mámleketlik pedagogikalıq institutı basqıshına start berildi.

Erler hám qızlar arasında basketbol, mini futbol hám shaxmat boyınsha ótkerilip atırǵan jarısqa barlıq fakultetlerden komandalar qatnaspaqta.

Búgin, 15-noyabr kúni basketbol hám mini futbol boyınsha jarıslar bolıp ótti.

Shaxmat jarısı 17-noyabr kúni ótkeriliwi jobalastırılǵan.

Jeńimpaz komandalar jarıstıń Qaraqalpaqstan Respublikası basqıshına jollama aladı.

NMPI baspasóz xızmeti.