Ájiniyaz atındaǵı Nókis mámleketlik pedagogikalıq institutı Dene mádeniyatı fakulteti jámááti hám student-jasları elimizde 25-oktyabr hám 1-dekabr kúnleri aralıǵında járiyalanǵan «gúzgi terek egiw máwsimi» hám «Jasıl mákan» ulıwma milliy joybarı sheńberinde abadanlastırıw jáne kóklemzarlastırıw jumıslarına belsene qatnasıp kelmekte.

Búgingi kúnge shekem student-jaslar tárepinen fakultet átirapı, sonıń menen birge, qalamızdıń túrli orınlarında bos jatırǵan jerlerge 1 500 den aslam túrli miywe hám dekorativ terek nálleri otırǵızıldı.

Búgin, 15-noyabr kúni erte azannan baslap fakultettiń bir topar belsendi studentleri fakultet dekanatı, professor-oqıtıwshılar hám tyutorları menen birgelikte instituttıń oqıw-dala ámeliyatı maydanshasına 200 den aslam miywe terek nálleri otırǵızılıp, iygilikli baslama dawam ettirildi.

NMPI baspasóz xızmeti.