Aldın xabar bergenimizdey, Joqarı bilimlendiriw, ilim hám innovaciyalar ministrligi, sonday-aq, ministrlik janındaǵı Student hám oqıwshılardıń sociallıq belsendiligin arttırıw orayı tárepinen I.M.Gubkin atındaǵı Rossiya mámleketlik neft hám gaz universiteti Tashkent qalasındaǵı filialında tyutorlardıń jumısların shólkemlestiriwge baylanıslı áhmiyetli máselelerge baǵıshlanǵan úlgi tiykarındaǵı seminar-trening shólkemlestirilgen edi.

Usı seminarǵa respublikamızdaǵı barlıq joqarı oqıw orınları qatarında qatnasıp qaytqan Ájiniyaz atındaǵı Nókis mámleketlik pedagogikalıq institutı Mektepke shekemgi tálim fakultetiniń tyutorı Gúljáhán Artikova hám Tariyx fakultetiniń tyutorı Dilaram Erniyazova tárepinen kásiples tyutorları ushın kaskad usılında seminar ótkerildi.

Seminarǵa institutta studentlerdiń tálim-tárbiya procesine juwapker bolǵan 60 tan aslam tyutorlar, pedagog-tárbiyashılar, psixologlar, profilaktikalıq inspektorlar qatnastı.

Ilajda bayanatshılar tárepinen jaslar tárbiyasınıń áhmiyetli máseleleri, tyutorlar aldına qoyılıp atırǵan wazıypalar, studentler menen birge islesiwdiń zamanagóy hám nátiyjeli mexanizmleri haqqında prezentaciyalar islenip, birgelikte dodalawlar ótkerildi.

NMPI baspasóz xızmeti.