Usı jıldıń 21-noyabr kúni Tashkent qalasında qılıshpazlıq boyınsha Ózbekstan kubogi jarısları bolıp ótti.

Quwanıshlısı, jarısta jeke tártipte sablya baǵdarı boyınsha qatnasqan Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń 1-kurs studenti Nurkeldi Turǵanbaev barlıq qarsılasları ústinen jeńiske erisip, 1-orındı iyeledi hám Ózbekstan kubogi jeńimpazı boldı.

– Yarım finalda ózimizdiń jerlesimiz benen jarısqa shıǵıwǵa tuwra keldi. 15:14 esabında jeńiske erisip, finalǵa jollama aldım. Finalda Tashkent wálayatı Shırshıq qalasınan bolǵan qarsılasımdı 15:9 esabında jeńip shıqtım, – deydi Ózbekstan kubogi jeńimpazı bolǵan NMPI studenti Nurkeldi.

Institutımız jámááti Nurkeldi Turǵanbaevtı qolǵa kirgizgen tabısları menen qutlıqlap, aldaǵı oqıwlarında hám kelesi jarıslarda áwmet tileydi.

NMPI baspasóz xızmeti.