Dıqqat, tańlaw! NMPI studentleri hám magistrantları arasında «Insan huqıqları bilimdanı – 2023» tańlawı ótkeriledi
Ájiniyaz atındaǵı Nókis mámleketlik pedagogikalıq institutında qábiletli studentlerdi anıqlaw, olardı qollap-quwatlaw, joqarı bilimli, erkin pikirleytuǵın, insan huqıqları boyınsha jetik bilim hám kónlikpege iye bolǵan jaslardı tárbiyalaw maqsetinde «Insan huqıqları bilimdanı – 2023» tańlawı ótkeriletuǵınlıǵın málim etemiz.
– «Eń jaqsı insan huqıqları bilimdanı»;
– «Eń jaqsı insan huqıqları universal shártnamaları bilimdanı»;
– «Eń jaqsı insan huqıqları tarawındaǵı nızamshılıq usınısları»;
– «Eń jaqsı innovaciyalıq ideya avtorı» nominaciyaları boyınsha ótkeriletuǵın tańlawǵa qatnasıwdı qálewshiler 2023-jıl 1-dekabr saat 18:00 ge shekem fakultet dekanlarınıń jaslar menen islesiw hám ruwxıy-aǵartıwshılıq isleri boyınsha orınbasarlarına múrájat etiwi soraladı.
Tańlawǵa instituttıń bakalavriatura hám magistratura basqıshlarında oqıp atırǵan studentler hám magistrantlar qatnasıwı múmkin.
Tańlawdıń USTAVÍ menen tómendegi silteme arqalı tolıq tanısıp shıǵıwıńız múmkin.
NMPI baspasóz xızmeti.