Ájiniyaz atındaǵı Nókis mámleketlik pedagogikalıq institutı student-jaslarınıń mobilografiyaǵa bolǵan qızıǵıwshılıqların qollap-quwatlaw, qábiletli mobilograf jaslardı anıqlaw maqsetinde «Sen teberik dárgayısań bilimniń!» atamasındaǵı videorolikler tańlawın járiyalaymız.

Tańlawǵa institutta oqıp atırǵan mobilografiya boyınsha jumıs tájiriybesine iye mobilograflar, sonday-aq, usı tarawǵa qızıǵıwshı studentler qatnasıwı múmkin.

Videoroliklerde institutta jaratılǵan sharayatlar hám imkaniyatlar kreativ túrde sáwlelengen bolıwı talap etiledi. Kórinisler avtorlardıń jeke ózi tárepinen túsirilgen hám montaj islengen bolıwı shárt.

Tańlawǵa kelip túsken videorolikler tóreshiler quramı aǵzaları tárepinen úyreniledi hám bahalanadı.

Tańlaw juwmaǵında:
1-orın jeńimpazı – bazalıq stipendiya muǵdarınıń 3 esesi;
2-orın iyesi – bazalıq stipendiya muǵdarınıń 2 esesi;
3-orın iyesi – bazalıq stipendiya muǵdarınıń 1 esesi muǵdarında sıylıqlanadı.

Videorolikler usı jıldıń 10-dekabr kúnine shekem Telegram tarmaǵı arqalı @imatekov mánzilinde qabıllanadı.

NMPI baspasóz xızmeti.