Ájiniyaz atındaǵı Nókis mámleketlik pedagogikalıq institutı «Qalqan» toparı aǵzaları tárepinen 9-dekabr – Xalıqaralıq korrupciyaǵa qarsı gúresiw kúni aldınan fakultetlerde oqıp atırǵan studentler arasında «Korrupciyaǵa orın joq» atamasında plakatlar tańlawı shólkemlestirildi.

Tańlawǵa studentlerdiń óz qolları menen islengen kóplegen súwretlew óneri úlgileri kelip tústi. Olardı tóreshiler quramı aǵzaları bahalap, jeńimpazlar anıqlandı.

Sıylıqlaw máresiminde korrupciyaǵa qarsı gúresiw «Komplaens-qadaǵalaw» sistemasın basqarıw bólimi baslıǵı P.Xojabekov, profilaktikalıq inspektor, kapitan B.Masharipov, dekan orınbasarları, tyutorlar qatnasıp, barlıq studentlerge minnetdarshılıq bildirdi.

Jeńimpazlar hám sıylı orın iyelerine «Qalqan» toparı tárepinen diplomlar tapsırıldı.

NMPI baspasóz xızmeti.