Ájiniyaz atındaǵı Nókis mámleketlik pedagogikalıq institutı Mektepke shekemgi tálim fakulteti mektepke shekemgi tárbiya hám defektologiya kafedrasınıń baslıǵı, pedagogika ilimleriniń kandidatı, docent Aynagúl Bekimbetova hám Gúlbanu Jumabaevalar Qazaqstan Respublikası Abay atındaǵı Qazaq milliy pedagogikalıq universitetinde tájiriybe almasıp, Mektepke shekemgi bilimlendiriw fakultetinde lekciya sabaqların shólkemlestirdi.

Universitet hám fakultet basshıları menen ótkerilgen ushırasıwda eki tárepleme birge islesiw, ilimiy joybarlardı birgelikte ámelge asırıw máseleleri dodalandı. Atap aytqanda, mektepke shekemgi bilimlendiriw hám arnawlı pedagogika baǵdarları boyınsha akademiyalıq mobillikti bunnan bılay da jetilistiriw boyınsha aldaǵı jumıslar belgilep alındı.

NMPI professor-oqıtıwshıları ilimiy sapar sheńberinde xalıqaralıq konferenciya hám dóńgelek stol seminarlarına qatnastı.

NMPI baspasóz xızmeti.