Usı jıldıń 23-25-dekabr kúnleri aralıǵında Tashkent qalasında «Zakovat Mnemonika» turniri bolıp ótti.

Intellektual jarısta barlıq baǵdarlar boyınsha ulıwmalıq esapta eń kóp upay toplaǵan 15 qatnasıwshı sıylı orın iyeleri qatarınan orın aldı.

Quwanıshlısı, turnir qatnasıwshıları arasında Ájiniyaz atındaǵı Nókis mámleketlik pedagogikalıq institutı Tariyx fakulteti geografiya hám ekonomikalıq bilim tiykarları tálim baǵdarınıń 4-kurs studenti Ziyodullo Begimqulov bilim dárejesi, ziyrekligi, tapqırlıǵı nátiyjesinde sıylı 8-orındı iyeledi hám 5 million sum aqshalay sıylıq penen sıylıqlandı.

NMPI jámááti Ziyodullo Begimqulovtı qolǵa kirgizgen tabısları menen qutlıqlap, aldaǵı oqıwlarında hám jarıslarda áwmet yar bolıwın tileydi.

NMPI baspasóz xızmeti.