Ózbekstan Respublikası Prezidentiniń «Xalıqtıń fizikalıq tayarlıq dárejesin bahalaw sistemasın engiziwdiń shólkemlestirilgen ilajları haqqında»ǵı hám Ózbekstan Respublikası Ministrler Kabinetiniń «Xalıqtıń fizikalıq tayarlıq dárejesin bahalaw boyınsha sport sınaqların shólkemlestiriw hám ótkeriw haqqında»ǵı qararlarınıń orınlanıwın támiyinlew maqsetinde 2023-jıldıń sentyabr-oktyabr aylarında Qaraqalpaqstan Respublikasında jumıs alıp barıp atırǵan ministrlik, mákeme hám shólkemlerde isleytuǵın xızmetkerler arasında «Fizikalıq tayarlıq dárejesi» sport sınaqları ótkerilgen edi.

Usı sport sınaqlarında ıqtıyarlı túrde belsendi qatnasıp, joqarı nátiyjelerge erisken qatnasıwshılar Qaraqalpaqstan Respublikası Jaslar siyasatı hám sport ministrligi tárepinen sıylıqlandı.

Áhmiyetlisi, olar arasında Ájiniyaz atındaǵı Nókis mámleketlik pedagogikalıq institutı Dene mádeniyatı fakulteti sport pánleri kafedrasınıń aǵa oqıtıwshıları Jamalatdin Bekmuratov hám Sultamurat Esemuratovlar sıylı 1- hám 2-orınlardı iyeledi.

NMPI baspasóz xızmeti.