Ájiniyaz atındaǵı Nókis mámleketlik pedagogikalıq institutınıń 2-sanlı studentler turaq jayında Ózbekstan Respublikası Qurallı Kúshleri dúzilgeniniń 32 jıllıǵı hám 14-yanvar – Watan qorǵawshıları kúni bayramı múnásibeti menen bayram dasturqanı jayıldı.

Studentler pedagog-tárbiyashılar basshılıǵında awızbirshilikte oshaqqa ot jaǵıp, qazanda milliy taǵamlarımızdıń biri esaplanǵan palaw pisirdi.

Bayram dasturqanı átirapında bir-birine iygilikli tileklerin bildirip, gitarada yoshlı nama qosıqların atqarıp, bayramdı kóterińki ruwxta belgiledi.

Ilajǵa institut jaslar jetekshisi B.Gúlimbetov, studentlerdi turaq jay menen támiyinlew jumısların muwapıqlastırıw bólimi baslıǵı Q.Sayımbetov, fakultet dekanlarınıń orınbasarları, tyutorlar qatnasıp, usınday joqarı shólkemleskenlik hám awızbirshilik úlgilerin kórsetip atırǵan jaslarǵa minnetdarshılıq bildirdi hám aldaǵı oqıwlarında tabıslar tiledi.

NMPI baspasóz xızmeti.