Mámleketimizde qábiletli jaslardıń baslamaların qollap-quwatlaw baǵdarında ámelge asırılıp atırǵan jumıslardı bunnan bılay da jedellestiriw, olardı ilimiy-texnikalıq jumıslarǵa keńnen tartıw, qábiletli jaslardıń, sonıń ishinde, alıs aymaqlarda jasaytuǵın qız-jigitlerdiń bilim, kónlikpe hám tájiriybesin arttırıw maqsetinde «Mırza Ulıǵbek áwladları» respublikalıq tańlawı ótkerilmekte.

Tańlawda Ózbekstan Respublikası puqarası esaplanǵan, 16 jastan 25 jasqa shekemgi bolǵan barlıq jaslar qatnasıwı múmkin.

Tańlawda qatnasıw ushın jaslardan anıq bir ideya yamasa joybarǵa iye bolıwı talap etiledi.

Tańlawǵa arzalar usı jıldıń 15-yanvar kúninen 15-fevral kúnine shekem https://www.vorislar.uz/register veb-saytı arqalı qabıllanadı.

Tańlawdıń:
– Qalalıq (rayonlıq) basqıshı jeńimpazları bazalıq esaplaw muǵdarınıń 5 esesi;
– Qaraqalpaqstan Respublikası basqıshı jeńimpazları bazalıq esaplaw muǵdarınıń 10 esesi;
– Respublikalıq basqısh jeńimpazları bazalıq esaplaw muǵdarınıń 20 esesi muǵdarında xoshametlenedi.

Institutımızdıń student-jasların usı tańlawda belsene qatnasıwǵa shaqırıp qalamız.

Qosımsha maǵlıwmat ushın telefon: +99891 3878744

NMPI baspasóz xızmeti.