Aldın xabar bergenimizdey, Ájiniyaz atındaǵı Nókis mámleketlik pedagogikalıq institutında oqıp atırǵan student-jaslardıń bos waqıtların mazmunlı ótkeriw, joqarı mánawiyatlı, erkin pikirleytuǵın jaslardı tárbiyalaw, olardıń intellektual oylaw qábiletin jetilistiriw hám qollap-quwatlaw maqsetinde fakultetler arasında «Rektor kubogi» ushın «Zakovat», sonday-aq, Jeke oyın intellektual turniri shólkemlestirildi.

Ótkerilgen dáslepki tur oyınlarına bakalavriattıń kúndizgi tálim baǵdarlarında, sonday-aq, magistratura qánigeliklerinde oqıp atırǵan student-jaslar qatnastı.

Solay etip, birinshi tur nátiyjelerine muwapıq komandalar hám qatnasıwshı studentler tárepinen toplanǵan ballar tómendegishe boldı.

Esletip ótemiz, turnirler 2024-jıldıń fevral, mart, aprel hám may ayları dawamında ótkeriletuǵın ulıwma 9 turdan ibarat boladı. Hár bir tur eki hápteden bir márte, hápteniń shiyshembi kúni instituttıń úlken májilisler zalında ótkeriledi.

Turnir juwmaǵında jeńimpaz (1-orındı iyelegen) komandanıń hár bir aǵzasına bazalıq stipendiya muǵdarınıń 2 esesi, 2- hám 3-orınlardı iyelegen komandalardıń hár bir aǵzasına bazalıq stipendiya muǵdarınıń 1 esesi muǵdarında qarjılay sıylıqlar beriledi.

NMPI baspasóz xızmeti.