Ájiniyaz atındaǵı Nókis mámleketlik pedagogikalıq institutında Internet globallıq tarmaǵındaǵı ashıq elektron enciklopediya esaplanǵan «Wikipedia»da qaraqalpaq tilindegi sapalı kontentti kóbeytiw máselesine arnalǵan «Ana tilim, sen qamsıqpa, biz barmız» atamasındaǵı seminar shólkemlestirildi.

Seminarda qaraqalpaq tilindegi «Wikipedia» joybarınıń volontyorları esaplanǵan Inabat Allanova, Shaxnoza-Banu Abdullaeva, Rabiǵa Shabatova hám Daniyar Yuldashevler ashıq enciklopediyaǵa maǵlıwmatlardı jaylastırıw tártibi hám ózgeshelikleri haqqında maǵlıwmatlar berdi.

Qaraqalpaq tilindegi «Wikipedia» 2008-jılı 26-mayda jaratılǵan bolıp, házirgi waqıtta hár túrli tematikadaǵı 4 300 ge shamalas maǵlıwmatlar orın alǵan. Búgingi kúnde Internette qaraqalpaq tilindegi maǵlıwmatlardı kóbeytiw áhmiyetli máselelerdiń biri bolıp tabıladı. Bunday iygilikli baslamaǵa institutımızdıń studentleri de óz úleslerin qosıw ushın háreket etpekte.

Ilajda student-jaslar qaraqalpaq tilindegi «Wikipedia» joybarı hám onı bunnan bılay da jetilistiriw haqqında ózlerin qızıqtırǵan sorawlarǵa juwap aldı.

NMPI baspasóz xızmeti.