«Jaslardıń kitap oqıwǵa bolǵan qızıǵıwshılıǵın kúsheytiwge, olardıń kitap penen dos bolıwına, xalıqtıń kitapqumarlıq dárejesin bunnan bılay da arttırıwǵa ayrıqsha itibar qaratıwımız kerek».

Sh.Mirziyoyev

Húrmetli kitapqumarlar!

Ájiniyaz atındaǵı Nókis mámleketlik pedagogikalıq institutı Málimleme-resurs orayı tárepinen Prezidentimiz tárepinen alǵa súrilgen «BES BASLAMA» tiykarında jaslarımızdıń bilim alıw kónlikpelerin arttırıw, olardıń qábiletlerin hár tárepleme rawajlandırıw, qollap-quwatlaw jáne kitapqumarlıqtı úgit-násiyatlaw maqsetinde student-jaslar arasında «Kitapqumar kewilliler» atamasındaǵı aǵartıwshılıq ilajı shólkemlestirilmekte. Kitapqumarlıqtı úgit-násiyatlawǵa baǵdarlanǵan ilajǵa barlıq qálewshi kitapqumar kewillilerdi mirát etemiz.

Ilajda kitapqumarlıqtı úgit-násiyatlawǵa óz úlesin qosaman degen kitapqumarlar qatnasıwına boladı. Biz benen siz kitap oqıw kónlikpelerin zamanlaslarımız sanasına sińdiriw arqalı bos waqıtlarıńızdı mazmunlı ótkeresiz. Kitapqumarlıqtı en jaydırıw, úgit-násiyatlaw – baslı maqsetimiz.

«Kitapqumar kewilliler» atamasındaǵı aǵartıwshılıq ilajınıń talapları tómendegishe (ózińiz qálegen bir bólimine qatnasıwıńızǵa da boladı):

I. Kitap – ruwxıy dúnyamız aynası. Kitapqumarlar tárepinen ózgeshe tárizde kitap hám kitaptıń ómirdegi tutqan ornı haqqında prezentaciya (waqtı 10 minut);

II. «Áke – sayalı bayterek», «Muqaddes dárgayım – Kábamsań, Ana», «Baxtımnıń saǵası – mehriban Watan» atamasında ata-ana, Watan haqqında student-jaslar sanasına sińdiriw, ulıǵlaw, maqtanısh sezimlerin oyatıw, sap tuyǵılar menen tereń jetkerip beriw (waqtı 10 minut);

III. «Kitap penen dúnya ashılar» atamasındaǵı saxnalastırılǵan kórinis. Qaraqalpaq, ózbek, jáhán ádebiyatı ádebiy shıǵarmalarınan alınadı (waqtı 15 minut).

Qatnasıwshılarǵa Ájiniyaz atındaǵı NMPI rektoratı, kásiplik awqamı hám MRO tárepinen húrmet jarlıqları hám sawǵalar tapsırıladı.

Ótkeriletuǵın waqtı: 15-fevral, saat 10:00.

Barlıq kitapqumar kewillilerdi (ustazlar, tyutorlar hám student-jaslardı) mirát etip qalamız!

Qosımsha maǵlıwmat ushın telefon:

+99891 303-52-09

NMPI Málimleme-resurs orayı.