Ózbekstan Respublikası Prezidentiniń 2024-jıl 7-fevraldaǵı PF-34-sanlı pármanı tiykarında «Zulfiya atındaǵı Mámleketlik sıylıqtı shólkemlestiriw boyınsha usınıslardı qollap-quwatlaw haqqında»ǵı pármanǵa ózgeris kirgizildi.

Oǵan bola, bunnan bılay informaciyalıq texnologiyalar baǵdarında ayrıqsha tabıslarǵa erisken qábiletli hayal-qızlar Zulfiya atındaǵı Mámleketlik sıylıq penen sıylıqlanadı.

Sonday-aq, Zulfiya atındaǵı Mámleketlik sıylıq komissiyası Shańaraq hám hayal-qızlar komiteti janında jámiyetlik tiykarda jumıs alıp barıwı jáne oǵan Bas ministr orınbasarı – Shańaraq hám hayal-qızlar komitetiniń baslıǵı basshılıq etiwi belgilendi.

Sonıń menen birge, sıylıqtı alıw ushın talabannıń sońǵı 3 jıl dawamındaǵı úlgili jumısları, bilimlendiriw, ilim, ádebiyat, mádeniyat, kórkem óner, sport, informaciyalıq texnologiyalar tarawları hám jámiyetlik jumıslardaǵı ayrıqsha tabıslarına baylanıslı hújjetler usınılıwı belgilendi. (Aldın 2 jıl edi)

NMPI baspasóz xızmeti.