Bilimlendiriw mákemeleri jumıslarına hár tárepleme kómeklesiw, sistemalı mashqalalardı orınlarǵa barǵan halda anıqlaw, olardıń sheshimleri boyınsha ámeliy járdem beriw maqsetinde shólkemlestirilgen respublikalıq jumısshı topar aǵzaları Ájiniyaz atındaǵı Nókis mámleketlik pedagogikalıq institutında úyreniw jumısların basladı.

Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Joqarı bilimlendiriwdi rawajlandırıw izertlewleri orayı Oqıw-metodikalıq jumıslardı jetilistiriw basqarmasınıń baslıǵı Lochin Zaripov instituttıń jańadan qurıp pitkerilgen oqıw imaratında bolıp, jaratılǵan sharayatlar menen tanıstı.

Institut rektorı wazıypasın waqıtsha atqarıwshısı Quvondiq Qodirov oqıw hám laboratoriya xanaları, keń sıyımlılıqtaǵı lekciya auditoriyaları, málimleme-resurs hám informaciyalıq texnologiyalar orayları menen tanıstırıp, bilim beriwdiń sapasın arttırıw maqsetinde ámelge asırılıp atırǵan jumıslar haqqında maǵlıwmat berdi.

Oqıw-metodikalıq jumıslardı jetilistiriw basqarmasınıń baslıǵı jańa oqıw imaratındaǵı sharayatlarǵa joqarı baha berdi. Sonıń menen birge, oqıw menen ámeliyattı birgelikte alıp barıw, studentlerdiń ata-anaları ushın maǵlıwmatlar bazaların islep shıǵıw boyınsha islenetuǵın jumıslar boyınsha tiyisli usınısların berdi.

Jumısshı topar aǵzalarınıń úyreniwleri dawam etpekte.

NMPI baspasóz xızmeti.