Ájiniyaz atındaǵı Nókis mámleketlik pedagogikalıq institutında studentlerdiń bos waqıtların mazmunlı ótkeriw, qábiletli, ziyrek jaslardı anıqlaw, olardıń ruwxıy dúnyasın bayıtıw hám talantlı jaslardı xoshametlew maqsetinde fakultetler arasında «Quwnaqlar hám ziyrekler» tańlawı ótkerildi.

«BasLayk» atamasındaǵı sálemnama hám «Biatlon» shártlerinen ibarat bolǵan tańlawda ulıwma on fakultetten komandalar qatnastı.

Solay etip, tańlaw juwmaǵında:

1-orın – Tariyx fakultetiniń «Wa-ha-ha»;
2-orın – Baslawısh tálim fakultetiniń «Baslawıshtıń juldızları»;
3-orın – Dene mádeniyatı fakultetiniń «Bekler» komandalarına nesip etti.

Jeńimpaz hám sıylı orın iyelerine instituttıń kásiplik awqamı komiteti tárepinen sawǵalar tapsırıldı.

Sonıń menen birge, tańlawda «Eń shoq jigit» nominaciyası boyınsha Pedagogika fakultetiniń «Dembermes» komandası aǵzası Manguberdi Kónebaev, al «Eń shoq qız» nominaciyası menen Mektepke shekemgi tálim fakulteti «Besqala» komandasınıń aǵzası Kamila Reyimbaeva sıylıqlandı.

Tańlawda jeńimpaz dep tabılǵan Tariyx fakultetiniń «Wa-ha-ha» komandasına kóshpeli kubok tapsırıldı.

NMPI baspasóz xızmeti.