20-21-fevral kúnleri Nókis olimpiya hám paralimpiya sport túrlerine tayarlaw orayı bazasında stol tennisi boyınsha Qaraqalpaqstan Respublikası joqarı oqıw orınları komandaları arasında «Studentler ligası» sport jarıslarınıń aymaqlıq basqıshı bolıp ótti.

Quwanıshlısı, jarısta er studentler komandaları arasında Ájiniyaz atındaǵı Nókis mámleketlik pedagogikalıq institutınıń studentleri barlıq qarsılasların jeńip shıǵıp, 1-orındı iyeledi hám «Studentler ligası» sport jarıslarınıń final basqıshına jollamanı qolǵa kirgizdi.

Student-qızlar arasında ótkerilgen jarısta institutımız qızlarına sheshiwshi oyında biraz áwmet jetispedi. Olar jarıs juwmaǵında 2-orındı iyeledi.

Jarısqa studentlerdi tájiriybeli trener Miralim Allanazarov tayarladı.

NMPI studentlerin qolǵa kirgizgen tabısları menen qutlıqlaymız hám jarıstıń final basqıshında áwmet tileymiz!

NMPI baspasóz xızmeti.