Ájiniyaz atındaǵı Nókis mámleketlik pedagogikalıq institutında ilimiy-izertlew jumısların alıp barıw boyınsha binar ilimiy-ámeliy seminar shólkemlestirildi

Ilimiy izleniwler, innovaciyalar hám ilimiy-pedagog kadrlardı tayarlaw bólimi tárepinen shólkemlestirilgen seminarǵa institut professor-oqıtıwshıları, ilimiy izleniwshi, doktorant hám magistrantlar qatnastı.

Seminarda Nizamiy atındaǵı Tashkent mámleketlik pedagogikalıq universiteti professorı, pedagogika ilimleriniń doktorı Begzod Xodjaev penen birge institut docenti, pedagogika ilimleriniń doktorı Zamira Kurbaniyazova tárepinen binar formasında «Ilimiy izertlewler strategiyası: teoriya hám ámeliyat» temasında ilimiy izleniwshiler, doktorant hám magistrantlarǵa ilimiy izertlew jumısların alıp barıw tártibi, onıń sapasın arttırıw, ilimiy mashqala hám ilimiy tema tańlaw, ilimiy taktika hám ilimiy etika, IMRAD hám AIMRAD talapları boyınsha ilimiy maqalalar tayarlaw, sonday-aq, dissertaciya hám avtoreferatlardı JAK talapları boyınsha rásmiylestiriw máseleleri boyınsha maǵlıwmatlar berildi.

Seminar sońında soraw-juwap hám diskussiyalar alıp barıldı.