Ájiniyaz atındaǵı Nókis mámleketlik pedagogikalıq institutında jaslar arasında hár qıylı juqpalı kesellikler, sonıń ishinde, arttırılǵan immunitet jetispewshiligi sindromı (AIJS) haqqında túsinik jumısların alıp barıw, arttırılǵan immunitet jetispewshiligi virusı (AIV) infekciyasınan saqlanıw boyınsha úgit-násiyat jumısların alıp barıw maqsetinde tiyisli tarawlardıń qánigeleri menen ushırasıw bolıp ótti. 

Ushırasıwda Qaraqalpaqstan Respublikası Ishki isler ministrliginen mayor J.Edenbaev, Respublikalıq AIJSke qarsı gúresiw orayı shıpakeri A.Jánibekova, Jaslar isleri agentligi Qaraqalpaqstan Respublikası basqarması qánigesi N.Tawmanov, Nókis qalası bas imam-xatibi A.Nabatov, Milliy gvardiyanıń Qaraqalpaqstan Respublikası boyınsha basqarması jas óspirimler máseleleri boyınsha aǵa inspektor-psixologi, kapitan S.Seytimbetov sózge shıǵıp, kún tártibindegi máseleler boyınsha studentlerge maǵlıwmatlar berdi. 

Ushırasıwda qánigeler tárepinen elimizde puqaralarımız arasında kóbirek ushırasatuǵın spirtli ishimliklerden paydalanıw, alkologizmniń unamsız aqıbetleri, adamnıń densawlıǵına, jasaw tárizine, turmısına bolǵan medicinalıq hám sociallıq tásirleri, sonday-aq, AIV infekciyası hám AIJS haqqında túsinikler berilip, olardıń aldın alıw boyınsha tiyisli másláhátler, kónlikpeler berildi. 

Qatnasıwshılar ushın profilaktikalıq maqsette tarqatpa materialları tarqatıldı. 

NMPI baspasóz xızmeti.