Búgin, 5-mart kúni Tashkent qalasında Ózbekstan Respublikası Joqarı bilimlendiriw, ilim hám innovaciyalar ministrliginde 8-mart – Xalıqaralıq hayal-qızlar kúni múnásibeti menen tarawda kóp jıllardan berli nátiyjeli miynet etip kiyatırǵan hayal-qızlardı sıylıqlawǵa baǵıshlanǵan saltanatlı ilajı bolıp ótti.

Ilajda Ájiniyaz atındaǵı Nókis mámleketlik pedagogikalıq institutı rektorınıń hayal-qızlar máseleleri boyınsha másláhátshisi Sayyora Bekchanova Ózbekstan Respublikası Joqarı bilimlendiriw, ilim hám innovaciyalar ministrliginiń húrmet jarlıǵı menen sıylıqlandı.

Institutımız hayal-qızlarınıń súyenishi bolıp xızmet etip atırǵan Sayyora Bazarbaevnanı búgingi tabısları menen institutımız jámááti atınan qutlıqlaymız.

NMPI baspasóz xızmeti.