Ájiniyaz atındaǵı Nókis mámleketlik pedagogikalıq institutında 8-mart – Xalıqaralıq hayal-qızlar kúni múnásibeti menen institutta jumıs islep atırǵan hayal-qızlar ushın bayram dasturqanı jayıldı.

Ilajda sózge shıqqanlar barlıq jıynalǵanlardı bayram menen qutlıqlap, eń jaqsı tileklerin bildirip ótti hám mashaqatlı jumıslarında tabıslar tiledi.

Hayal-qızlar instituttıń kásiplik awqamı komiteti tárepinen shólkemlestirilgen bayram dasturqanına mirát etilip, olarǵa gúller sawǵa etildi.

Muzıkalıq tálim kafedrasınıń oqıtıwshıları hám talantlı studentler atqarıwındaǵı koncert baǵdarlaması bayramǵa ózgeshe sán baǵıshladı.

Hayal-qızlar yoshlı qosıqlarǵa ayaq-oyınǵa túsip, bayramdı kóterińki keypiyatta ótkerdi.

NMPI baspasóz xızmeti.