Búgin, 19-mart kúni paytaxtımız Nókis qalasındaǵı Berdaq atındaǵı Qaraqalpaq mámleketlik akademiyalıq muzıkalı teatrı aldında hám «Doslıq» kanalınıń boyında «Álem seniń menen nurǵa toladı, Nawrız!» atamasındaǵı ulıwma xalıqlıq Nawrız seyili hám teatrlastırılǵan ádebiy-muzıkalı xoreografiyalıq bayram tamashaları bolıp ótti.

Bayram seyilinde Ájiniyaz atındaǵı Nókis mámleketlik pedagogikalıq institutı jámááti hám student-jasları da belsene qatnastı.

«Doslıq» kanalı boyında qaraúy tigip, átirapında kórgizbeler shólkemlestirip, túrli milletlerdiń milliy qosıqları, ayaq-oyınların atqardı.

Fotolar avtorı: Islam Matekov,
NMPI baspasóz xatkeri.