Ájiniyaz atındaǵı Nókis mámleketlik pedagogikalıq institutı rektorı wazıypasın waqıtsha atqarıwshısı Quvondiq Qodirov instituttıń 1- hám 2-sanlı studentler turaq jaylarında jasaytuǵın jaslar menen sáwbetlesiwler ótkerdi.

Shın kewilden ótkerilgen sáwbetlesiwler barısında studentler jataqxanalardaǵı jaratılǵan sharayatlar hám imkaniyatlar, hár qıylı dógereklerdiń shólkemlestirilgenligin atap ótip, bunıń ushın institut basshılarına hám tiyisli juwapkerlerine minnetdarshılıq bildirdi.

Sonday-aq, bos waqıtların mazmunlı ótkeriw maqsetinde hár qıylı intellektual hám sport dógerekleriniń jumısların jetilistiriw boyınsha ózleriniń usınısların bildirip ótti.

Rektor w.w.a. Q.Qodirov jaslardıń mashqalaları hám pikir-usınısların tıńlap, olardıń sheshimleri boyınsha tiyisli juwapkerlerge tapsırmalar berdi.

Sáwbetlesiwler dawamında elimizde jaslarǵa baylanıslı mámleketlik siyasattıń áhmiyetli baǵdarları, olardıń ilim, bilim iyelewi, kásip-óner úyreniwi ushın jaratılıp atırǵan imkaniyatlar, mámleketimizdiń tınıshlıǵı hám kóp milletli xalqımızdıń awızbirshiligin támiyinlew baǵdarında ámelge asırılıp atırǵan jumıslar haqqında maǵlıwmatlar berildi.

Sonday-aq, ushırasıw barısında rektor w.w.a. studentler turaq jaylarındaǵı sharayatlardı kózden ótkerdi.

NMPI baspasóz xızmeti.