Búgin, 27-mart kúni Ájiniyaz atındaǵı Nókis mámleketlik pedagogikalıq institutı studentler turaq jayı aldında ulıstıń ullı kúni, shıǵıs xalıqlarınıń jasarıw hám jańalanıw áyyamı – Nawrız ulıwma xalıqlıq bayramı múnásibeti menen súmelek seyili bolıp ótti.

Seyilde úlken qazanda Nawrız taǵamı bolǵan súmelek qaynatılıp, qazan átirapında bayram ilajları shólkemlestirildi.

Bayram seyiline institut jámááti hám studentleri belsene qatnasıp, hár qıylı milliy hám yoshlı muzıkalarǵa ayaq-oyınlarǵa túsip, janlı hawazda qosıqlar aytıp, kewillerin kóterdi.

Ilajǵa institut rektorı wazıypasın waqıtsha atqarıwshısı Quvondiq Qodirov basshılıǵındaǵı rektorat jámááti hám fakultetlerdiń basshıları da qatnasıp, ózleriniń bayram tileklerin bildirdi.

Studentler turaq jayında jasaytuǵın studentler ushın bayram diskotekası shólkemlestirildi.

Institutta bayram Nawrız bayramı erteń, 28-mart kúni teatrlastırılǵan muzıkalı-xoreografiyalıq koncert baǵdarlaması hám xalıq seyilleri menen dawam etedi.

NMPI baspasóz xızmeti.