Xabarıńız bar, bıyıl Ájiniyaz atındaǵı Nókis mámleketlik pedagogikalıq institutı óziniń 90 jıllıǵın belgileydi. Bul sánege institutta keń kólemli tayarlıqlar alıp barılmaqta.

Atap aytqanda, instituttıń materiallıq-texnikalıq bazasın jetilistiriw, zamanagóy imaratlardı qurıp paydalanıwǵa tapsırıw maqsetinde qurılıs-abadanlastırıw jumısları ámelge asırılmaqta.

Institutımızdıń jańa bas hám eki mıń orınlıq oqıw imaratları, balalar baqshası, studentler turaq jayları, zamanagóy laboratoriya hám sport kompleksleri oqıw dárgayımızdıń yubiley sánesine úlken sawǵa boları sózsiz.

«Sevimli» telekanalı «Zamon» informaciyalıq baǵdarlamasınıń dóretiwshilik toparı usı jumıslardı ózleriniń kamera obyektivine mórledi hám professor-oqıtıwshılar, tiyisli juwapkerlerden intervyu aldı.

NMPI baspasóz xızmeti.