Ózbekstan Respublikası Joqarı bilimlendiriw, ilim hám innovaciyalar ministrligi tárepinen joqarı oqıw orınlarınıń ximiya, biologiya, fizika, informatika hám málimleme texnologiyaları bakalavriat basqıshınıń pitkeriwshi kurs studentleri arasında respublikalıq pánler olimpiadası ótkeriledi.

«Ximiya», «Biologiya», «Fizika», «Informatika hám málimleme texnologiyaları» pánleri boyınsha ótkeriletuǵın olimpiadaǵa qatnasıwdı qálewshi pitkeriwshi kurs studentleri olimpiada.edu.uz elektron platformasınan dizimnen ótiwi kerek.

Dizimnen ótken studentler instituttıń ziyrek studentlerdiń ilimiy-izertlew jumısların shólkemlestiriw bólimine xabar beriwi zárúr.

Pánler olimpiadası juwmaǵı boyınsha 1-, 2-, 3-orın iyelerine ministrliktiń tiyisli diplomları tapsırıladı hám joqarı oqıw orınlarınıń tiyisli qánigelikler boyınsha magistratura basqıshına oqıwǵa jeńillikli túrde qabıllanıwı boyınsha Mámleketlik komissiyaǵa usınıs beriledi.

Respublikalıq pánler olimpiadasın ótkeriw tártibi haqqındaǵı WAQÍTSHA USTAVtı tómendegi silteme arqalı júklep alıwıńız múmkin.

Respublikalıq pánler olimpiadasın ótkeriw tártibi haqqındaǵı WAQÍTSHA USTAV

NMPI baspasóz xızmeti.