Usı jıldıń 18-20-aprel kúnleri paytaxtımız Nókis qalasında Ózbekstan Respublikası Prezidenti Administraciyası janındaǵı Málimleme hám ǵalaba kommunikaciyalar agentligi, Qaraqalpaqstan Respublikası Joqarǵı Keńesi hám Ministrler Keńesi shólkemlestiriwinde mámleketlik basqarıw uyımları, ministrlikler, rayon hákimlikleri, mákeme-kárxanalar, sonday-aq, joqarı oqıw orınlarınıń baspasóz xatkerleri ushın milliy konferenciya bolıp ótti.

Milliy konferenciya sheńberinde málimleme xızmetleriniń jumıslarında ashıq-aydınlıq hám obektivlikti támiyinlew arqalı xalıqaralıq indikatorlarǵa unamlı tásir etiw, turaqlı baylanıs hám birge islesiwdi jolǵa qoyıw, sociallıq tarmaqlar, ǴXQ, media menen islesiw mexanizmlerin zamanǵa say muwapıqlastırıw, sonday-aq, media texnikalıq qurallardan nátiyjeli paydalanıw usılları boyınsha seminar-treningler, dógerek sáwbetleri, tájiriybe hám pikir almasıwlar ótkerildi.

NMPI baspasóz xızmeti.