Ájiniyaz atındaǵı Nókis mámleketlik pedagogikalıq institutı Gumanitar hám jámiyetlik pánlerdi aralıqtan oqıtıw kafedrası tárepinen «Lingvistikanıń zamanagóy tendenciyaları» atamasındaǵı dóngelek stol sáwbeti ótkerildi.

Ilajdı instituttıń ilimiy-izertlewler, innovaciyalar hám ilimiy-pedagog kadrlar tayarlaw bóliminiń baslıǵı A.Allamuratov kiris sózi menen ashıp berdi.

Dóngelek stol sáwbetinde Qazan federal universitetiniń professorı, filologiya ilimleriniń doktorı G.R.Galiullina «Современная состояние языкознание» atamasındaǵı bayanatı menen qatnastı. Sonday-aq, professor Q.Qoshanov, filologiya ilimleriniń doktorı A.Pirniyazova, filologiya ilimleri boyınsha filosofiya doktorı, docent G.Úsenova házirgi qaraqalpaq leksikologiyasınıń úyreniliwi, lingvomádeniyattanıwdıń negizgi jaǵdayları boyınsha ilimiy bayanatlar isledi.

Ilajǵa qatnasqan institut tilshi ilimpazları, magistrantlar hám student-jaslar sáwbet dawamında ilimpazlardan ózleriniń til biliminiń zamanagóy tendenciyaları haqqındaǵı sorawlarına juwaplar aldı.