Usı jıldıń 18-25-aprel kúnleri aralıǵında Tashkent qalasında sporttıń qılıshpazlıq túri boyınsha 23 jasqa shekemgi bolǵan sportshılar arasında U23 Ózbekstan chempionatı jarısları bolıp ótpekte.

Quwanıshlı tárepi, jarıstıń jekelik jekpe-jeklerinde Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń 1-kurs studenti Nurkeldi Turǵanbaev barlıq qarsılasları ústinen isenimli túrde ústemlikke erisip, 1-orındı iyeledi hám Ózbekstan chempionı boldı.

Esletip ótemiz, institutımız studenti Nurkeldi Turǵanbaev ótken jıldıń oktyabr ayında komandalıq esapta, al noyabr ayında jekelik jarısta qılıshpazlıqtıń sablya baǵdarı boyınsha Ózbekstan kubogi jeńimpazı, al usı jıldıń mart ayında jaslar arasında Ózbekstan chempionı bolǵan edi.

Nurkeldini qolǵa kirgizgen tabısları menen institutımız jámááti atınan shın júrekten qutlıqlaymız!

NMPI baspasóz xızmeti.