Usı jıldıń 5-8-may kúnleri aralıǵında Birlesken Arab Ámirlikleriniń Abu-Dabi qalasında sportıń jiu-jitsu túrinen jaslar arasında Aziya chempionatı jarısları bolıp ótpekte.

Aziyanıń barlıq mámleketlerinen eń kúshli sportshılardı ózinde jámlegen jarısqa erler arasında 77 kilogrammǵa shekemgi salmaq kategoriyası boyınsha Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń 2-kurs studenti Kamronbek Karimbaev ta qatnastı.

Quwanıshlısı, institutımız studenti Kamronbek Karimbaev Aziya chempionatı jarıslarında sıylı 3-orındı iyeledi hám qola medalına iye boldı.

Institut rektoratı hám miynet jámááti atınan Kamronbekti qolǵa kirgizgen tabısları menen shın júrekten qutlıqlaymız.

NMPI baspasóz xızmeti.