Paytaxtımız Nókis qalasındaǵı oraylıq «Turan» stadionında respublikamızdaǵı joqarı oqıw orınlarınıń studentleri arasında etnosport túrleri boyınsha Ózbekstan mámleketlik dene tárbiyası hám sport universiteti Nókis filialınıń ashıq birinshiligi bolıp ótti.

Jarıs qatnasıwshıları ásirler dawamında ata-babalarımızdan miyras bolıp kiyatırǵan «Qasharman top», «Láńgi», «Qazan», «Arqan tartıs» hám «Toǵız tas» sıyaqlı milliy háreketli oyınlar boyınsha óz imkaniyatların sınaqtan ótkerdi.

Etnosport túrlerin jaslar arasında keń en jaydırıw maqsetinde shólkemlestirilgen jarıs juwmaǵında Ájiniyaz atındaǵı Nókis mámleketlik pedagogikalıq institutı komandası sıylı 3-orındı iyeledi.

Jeńimpazlar hám sıylı orın iyeleri shólkemlestiriwshiler tárepinen diplom jáne estelik sawǵaları menen sıylıqlandı.

NMPI baspasóz xızmeti.