1-iyun – Xalıqaralıq balalardı qorǵaw kúni múnásibeti menen Ájiniyaz atındaǵı Nókis mámleketlik pedagogikalıq institutı jámááti paytaxtımızdaǵı 1-sanlı mektepke shekemgi bilimlendiriw shólkeminde bolıp, usı jerde tárbiyalanıp atırǵan balalardı bayram menen qutlıqladı.

Ilajǵa Qaraqalpaqstan Respublikası Mektepke shekemgi hám mektep bilimlendiriwi ministrliginiń juwapkerleri, institut rektorı wazıypasın waqıtsha atqarıwshısı Quvondiq Qodirov, Mektepke shekemgi tálim fakultetiniń professor-oqıtıwshıları, sonday-aq, birneshe qáwender mákemelerdiń wákilleri qatnastı.

Balalar tárbiyashıları menen birgelikte hár qıylı qosıqlar, ayaq-oyınlar atqarıp, bayramdı kóterińki ruwxta belgiledi.

Institut jámááti hám qáwender shólkemler tárepinen alıp kelingen bayram sawǵaları baqsha hákimshiligine saltanatlı túrde tapsırıldı.

NMPI baspasóz xızmeti.