Ájiniyaz atındaǵı Nókis mámleketlik pedagogikalıq institutında pedagogika ilimleriniń doktorı, professor Óserbay Álewovtıń esteligine baǵıshlanǵan «Qaraqalpaqstanda pedagogika tariyxı izertleniwi: búgini hám perspektivası» atamasındaǵı xalıqaralıq ilimiy-ámeliy konferenciya bolıp ótti.

Instituttıń pedagogika kafedrası tárepinen shólkemlestirilgen konferenciyaǵa Rossiya, Qazaqstan hám basqa da mámleketlerden, sonıń menen birge, respublikamızdıń aldınǵı joqarı oqıw orınları, ilimiy oraylarınıń belgili professorları, ilimpazları qatnastı.

Konferenciyanıń tiykarǵı wazıypası Qaraqalpaqstanda pedagogika tariyxın úyreniw hám izertlewler baǵdarın analizlew boyınsha usınıs etilgen kórsetpelerdi hám joybarlardı Joqarı bilimlendiriw, ilim hám innovaciyalar ministrligine usınıw, pedagogika ilimindegi áhmiyetli mashqalalardı anıqlaw, izertlew hám buǵan baylanıslı bolatuǵın jumıslarǵa járdem kórsetiw, konfrenciya baǵdarları boyınsha usınıs etilgen maqalalardı úgit-násiyatlaw ushın ilimiy toplam shıǵarıw, tájiriybe almasıw, motivaciya, pedagogikalıq iskerlikte jańa baylanıslardı ornatıw, jetilistiriw, óz islenbelerin usınıw, bayanatshılar tárepinen usınıs etilgen materiallardı úyreniwden ibarat boldı.

Konferenciya óz jumısın sekciyalarda dawam ettirdi.