Rossiya Federaciyasındaǵı Kuban mámleketlik universitetinde «Sociallıq pedagogika hám deviant minez-qulq psixologiyası» atamasındaǵı Birinshi xalıqaralıq ilimiy-dóretiwshilik tańlawı bolıp ótti.

Xalıqaralıq tańlawǵa Rossiya Federaciyası, Belarus, Qazaqstan, Qubla Koreya hám Ózbekstan Respublikalarınan, sonıń ishinde, Ájiniyaz atındaǵı Nókis mámleketlik pedagogikalıq institutı Baslawısh tálim fakultetiniń student-jasları da belsene qatnastı.

Quwanıshlısı, usı tańlawda «Sociallıq-pedagogikalıq plakat (reklama)» baǵdarı boyınsha fakultet studenti Húrliman Sharapatdinova 1-orındı, Gózzal Qallibekova 2-orındı, «Sociallıq-pedagogikalıq esse» baǵdarı boyınsha A.Qudaybergenova 2-orındı iyelep, diplom hám sertifikat penen sıylıqlandı.

Solay etip, instituttıń Baslawısh tálim fakulteti studentleri barlıq qatnasıwshılar arasında komandalıq esapta 3-orındı iyeledi.

NMPI baspasóz xızmeti.