Prezident Shavkat Mirziyoyev «Múbárek Qurban hayıtın belgilew haqqında»ǵı qararǵa qol qoydı. Bul haqqında Qaraqalpaqstan xabar agentligi xabar berdi.

Qararǵa bola, 2024-jılı Qurban hayıtınıń birinshi kúni 16-iyun – ekshembige tuwra keliwi múnásibeti menen elimizde 16-iyun Qurban hayıtı bayramı sıpatında belgilenedi.

Qurban hayıtınıń birinshi kúni demalıs kúnine tuwra keliwi múnásibeti menen bul demalıs kúni 17-iyun – dúyshembi kúnine kóshiriledi, 18-iyun – shiyshembi kúni barlıq xızmetkerler ushın qosımsha demalıs kúni boladı.

Jergilikli mámleketlik hákimiyat uyımları, juwapker ministrlikler hám shólkemlerge múbárek Qurban hayıtın xalqımızdıń milliy dástúr hám úrp-ádetlerine únles halda ótkeriw ushın tiyisli ilajlardı ámelge asırıw, watanlaslarımız ushın múbárek Qurban hayıtı kúnlerinde teberik hám tariyxıy zıyarat etiw orınlarına zıyaratlawdı shólkemlestiriw maqsetinde qolaylı sharayatlar menen imkaniyatlar jaratıw wazıypası tapsırıldı.