Búgin, 13-iyun kúni Ájiniyaz atındaǵı Nókis mámleketlik pedagogikalıq institutında Qaraqalpaqstan Respublikası Mektepke shekemgi hám mektep bilimlendiriw ministri Gúlistan Kojabaeva hám pitkeriwshi kurs studentleriniń ushırasıwı bolıp ótti.

Ushırasıwǵa Qaraqalpaqstan Respublikası Mektepke shekemgi hám mektep bilimlendiriw ministriniń orınbasarları, qala hám rayonlıq Mektepke shekemgi hám mektep bilimlendiriw bólimleriniń baslıqları, institut professor-oqıtıwshıları hám pitkeriwshi student-jaslar qatnastı.

Ilajda ministr Gúlistan Kojabaeva sózge shıǵıp, mámleketimizde jaslarǵa bolǵan itibar mámleketlik siyasat dárejesine kóterilgenligi, olardıń oqıwı, bilim alıwı, kásip-óner úyreniwi, ásirese, bántligin támiyinlew baǵdarında nátiyjeli jumıslardıń alıp barılıp atırǵanlıǵın atap ótti.

Ushırasıwda pitkeriwshi kurs studentleri ministrlik hám onıń tiyisli strukturaları wákillerine ózleriniń qızıqtırǵan sorawların berip, tolıq juwaplar aldı.

NMPI baspasóz xızmeti.