Húrmetli professor-oqıtıwshılar, áziz student-jaslar, institutımızdıń pidayı xızmetkerleri!

Sizlerdi, sizler arqalı elimizdegi barlıq musılmanlardı, janajan xalqımızdı shúkirshilik, qayır-saqawat hám miyrim-shápáát áyyamı bolǵan múbárek Qurban hayıtı menen shın júrekten qutlıqlaymız.

Qurban hayıtınıń ruwxıy turmısımızda adamgershilik pazıyletler, keńpeyillik, miyrimlilik, doslıq hám awızbirshilik sıyaqlı qádiriyatlardı bekkemlewdegi ornı hám áhmiyeti joqarı esaplanadı. Búgingidey qutlı bayramda bárshemiz usınday bereketli hám payızlı kúnlerge jetkergenine, elimizdiń tınısh, aspanımızdıń ashıq ekenligi ushın Alla taalaǵa sheksiz shúkirshilik bildiremiz.

Biziń institutımız respublikamızdaǵı tuńǵısh bilim dárgayı sıpatında óziniń 90 jıllıq tariyxı dawamında elimizdiń bilimlendiriw hám xalıq xojalıǵınıń túrli tarawlarına joqarı mamanlılıqqa iye kadrlar tayarlap kelmekte. Búgingidey múbárek kúnde usı dárgayda keleshek áwladlarǵa tálim-tárbiya berip kiyatırǵan ustazlar, professor-oqıtıwshılar, ayanbay miynet etip atırǵan barlıq xızmetkerler, aldılarına joqarı maqsetlerdi belgilep alıp, jarqın keleshek ushın oqıp bilim alıp atırǵan studentlerimizge amanlıq, bekkem densawlıq shańaraqlarına qut-bereket, oqıw hám jumıslarında mol tabıslar tileymiz!

Bársheńizdi muqaddes Qurban hayıtı bayramı menen jáne bir márte qutlıqlaymız!

Alla taala muqaddes Watanımızdı, joqarı adamgershilikli, keńpeyil xalqımızdı hámiyshe óz panasında saqlasın!

Ájiniyaz atındaǵı Nókis mámleketlik pedagogikalıq institutı rektoratı.