2024-jıl 25-iyun – joqarı hám professional bilimlendiriw mákemelerine abiturientlerdi dizimge alıwdıń sońǵı kúni bolıp, 25-iyun kúni saat 23:59 da dizimnen ótiw tolıq juwmaqlanadı.

Aldınǵı jıllardan málim, qabıllawdıń sońǵı kúnlerinde dizimnen ótetuǵın abiturientler sanı keskin artadı hám abiturientler asıǵıslıq penen dizimnen óte baslaydı.

Húrmetli abiturientler!

Dizimnen ótiw ushın qabıllawdıń sońǵı kúnlerin kútip otırmań! Imkanı bolǵanınsha ertelew dizimnen ótiń! Test sınaǵı ushın tólemdi óz waqtına ámelge asırıń!

Dizimnen ótkende pánler kompleksi (pánlerdiń izbe-izligin esapqa alǵan halda), bilimlendiriw tili hám test tapsırıw aymaǵın tańlawda dıqqatlı bolıń.

25-iyun kúni saat 23:59 ǵa shekem barlıq maǵlıwmatlarıńızdı ózgertiwińiz múmkin (tólem ámelge asırılǵan bolsa da). Biraq, qabıllaw juwmaqlanǵannan soń maǵlıwmatlarıńızdı ózgerte almaysız.

Sonlıqtan, qabıllawdıń sońǵı kúnlerin kútpesten ertelew dizimnen ótiwdi, tańlawda dıqqatlı bolıwdı, maǵlıwmatlarıńızdı hám tólem ámelge asırılǵanın jeke kabinetińizden tekserip alıwıńızdı usınıs etemiz.

Dizimnen ótiw ushın sayt mánzili: my.uzbmb.uz

NMPI baspasóz xızmeti.