Aldın xabar bergenimizdey, 2024-2025-oqıw jılı qabıllawında Ájiniyaz atındaǵı Nókis mámleketlik pedagogikalıq institutında kásiplik (dóretiwshilik) imtixanı bolǵan bakalavriat tálim baǵdarlarına dizimnen ótken abiturientler ushın imtixanlar 2024-jıldıń 9-13-iyul kúnleri ótkeriliwi belgilengen.

Bakalavriattıń dene mádeniyatı tálim baǵdarına imtixanlar Nókis qalalıq 9-sanlı ulıwma bilim beriw mektebiniń sport maydanshasında, al muzıkalıq tálim, sonday-aq, súwretlew óneri hám injenerlik grafikası tálim baǵdarlarına kásiplik (dóretiwshilik) imtixanlar instituttıń bas imaratında ótkeriliwi jobalastırılǵan.

Bul jerlerde abiturientlerdiń belgilengen talaplar tiykarında imtixan tapsırıwı hám olardıń ata-analarınıń imtixan barısın onlayn tárizde baqlap barıwı ushın barlıq qolaylıqlar jaratılǵan.

NMPI baspasóz xızmeti.