Búgin, 25-iyul kúni Ózbekstan Respublikası Joqarı bilimlendiriw, ilim hám innovaciyalar ministri Qońıratbay Sharipov Qaraqalpaqstan Respublikasına xızmet saparı sheńberinde Ájiniyaz atındaǵı Nókis mámleketlik pedagogikalıq institutına keldi.

Ministr instituttıń paydalanıwǵa tapsırılıwı aldında turǵan 2 mıń orınlıq jańa oqıw imaratında jaratılǵan sharayatlardı kózden ótkerip, juwapkerler hám professor-oqıtıwshılar menen sáwbetlesti.

Jańa oqıw imaratında oqıw hám laboratoriya xanaları, málimleme-resurs hám málimleme texnologiyaları orayları, registrator ofisi, keń sıyımlılıqqa iye bolǵan lekciya auditoriyaları bolıp, barlıǵı zamanagóy úskeneler menen támiyinlengen.

Professor-oqıtıwshılar hám tiyisli juwapkerler menen bolǵan sáwbetlesiw dawamında sońǵı jıllarda elimizde joqarı bilimlendiriw tarawın rawajlandırıw maqsetinde ámelge asırılıp atırǵan reformalardıń nátiyjeleri, bilimlendiriwdiń sapasın arttırıw arqalı joqarı mamanlıqqa iye kadrlar tayarlawdıń baslı wazıypaları haqqında pikir almasıldı.

Sonday-aq, jańa oqıw imaratın sapalı etip paydalanıwǵa tapsırıw boyınsha juwapkerlerge tiyisli tapsırmalar berdi.

NMPI baspasóz xızmeti.