Qaraqalpaqstan Respublikası Joqarı bilimlendiriw, ilim hám innovaciyalar ministrligi baslaması menen respublikamızdaǵı joqarı oqıw orınlarınıń studentleri arasında avgust ayında «Studentler jazǵı lageri» shólkemlestirildi.

Student-jaslar arasında tálim-tárbiya sistemasın jetilistiriw maqsetinde «Úshinshi Renessansqa qaray» principi menen «Ilimdi qádirleń, ilimge umtılıń!» súreni tiykarında paytaxtımız Nókis qalasındaǵı Ashshıkól aymaǵındaǵı «Qaraqalpaq awılı» demalıs ornında birinshi márte shólkemlestirilip atırǵan jazǵı lagerge Ájiniyaz atındaǵı Nókis mámleketlik pedagogikalıq institutınan 25 student qatnaspaqta.

Bir hápte dawam etetuǵın jazǵı lagerde studentler arasında hár qıylı mádeniy-aǵartıwshılıq, ruwxıy-intellektual, kewilashar ilajlar hám sport jarısları ótkeriliwi belgilengen.

NMPI baspasóz xızmeti.