Ájiniyaz atındaǵı Nókis mámleketlik pedagogikalıq institutında 2024-2025-oqıw jılı ushın ekinshi hám onnan keyingi joqarı bilimlendiriw baǵdarlarına qabıllaw ushın ótkeriletuǵın imtixanlar kestesi tastıyıqlandı.

Imtixanlar usı jıldıń 26-27-avgust kúnleri bakalavriat tálim baǵdarınıń ózgesheliklerine qaray test hám kásiplik (dóretiwshilik) imtixan formasında ótkeriledi.

Ekinshi qánigelikke qabıllaw ushın ótkeriletuǵın imtixanlar kestesin tómendegi silteme arqalı júklep alıwıńız múmkin.

NMPI ekinshi qánigelik imtixanlar kestesi (2024-2025)

Eskertiw: Abiturientler imtixanlarǵa ózleri menen puqaralıq pasportı (ID-kartası)n alıp keliwi shárt. Belgilengen waqıttan keshikken abiturientler imtixanǵa kirgizilmeydi. Muzıkalıq tálim baǵdarı boyınsha abiturientler imtixanǵa «Saz atqarıwshılıǵı» páninen saz ásbapların ózleri menen alıp keliwi shárt. Dene mádeniyatı tálim baǵdarı boyınsha abiturientler imtixanǵa sport forması menen keliwi talap etiledi.

NMPI baspasóz xızmeti.