Búgin, 23-avgust kúni Ájiniyaz atındaǵı Nókis mámleketlik pedagogikalıq institutında 2024-2025-oqıw jılı ushın texnikumlardı tabıslı tamamlaǵan pitkeriwshilerdi bakalavriattıń mektepke shekemgi tálim hám dene mádeniyatı tálim baǵdarlarına oqıwǵa qabıllaw boyınsha sáwbet bolıp ótti.

Sáwbet procesine instituttıń tájiriybeli professor-oqıtıwshıları menen birgelikte tarawda jemisli miynet etip atırǵan pedagoglar biriktirilip, talabanlardıń tayarlıǵı múnásip bahalandı.

Sonday-aq, processtiń ádil túrde, ashıq-aydın ótiwi instituttıń korrupciyaǵa qarsı gúresiw «Komplaens-qadaǵalaw» sistemasın basqarıw bólimi juwapkerleri tárepinen qadaǵalap barıldı.

NMPI baspasóz xızmeti.