Ózbekstan veteranlarınıń jámiyetlik jumısların qollap-quwatlaw «Nuranıy» qorı Qáwenderlik keńesiniń tiyisli qararına muwapıq, mámleketimizde ilim, bilimlendiriw tarawlarınıń rawajlanıwına múnásip úles qosıp, sonıń menen birge, jaslar tálim-tárbiyası baǵdarında kóp jıllardan berli jemisli miynet etip kiyatırǵan bir topar nuranıy ustazlar qatarında Ájiniyaz atındaǵı Nókis mámleketlik pedagogikalıq institutı matematikanı oqıtıw metodikası kafedrasınıń baslıǵı, fizika-matematika ilimleriniń doktorı, professor Prenov Barlıqbay Baraqbaevich, sonday-aq, botanika, ekologiya hám onı oqıtıw metodikası kafedrasınıń docenti, biologiya ilimleriniń kandidatı Baltabaev Muratbay Tórebaevich «Miynet veteranı» I dárejeli kókirek belgisi menen sıylıqlandı.

Institut rektoratı hám miynet jámááti ustazlarımız Barlıqbay Baraqbaevich hám Muratbay Tórebaevichti shın júrekten qutlıqlay otırıp, aldaǵı ilimiy-pedagogikalıq jumıslarında tabıslar tileydi.

©️NMPI baspasóz xızmeti.